ஆயிரம் லிட்டர் பால் அபிஷேகம் !

 *ஆயிரம் லிட்டர் பால் அபிஷேகம்.*

பக்தியை குறை சொல்லும் நோக்கம் அல்ல.சிந்திக்கவும்.

திருவண்ணாமலை கோயிலில் பக்தி என்னும் பெயரால் அங்குள்ள *நந்தி சிலைக்கு* ஆயிரம் லிட்டர் பால் மற்றும் பல திரவியங்கள் ஊற்றி அபிஷேகம் செய்கிறார்கள். அதேபோல் எல்லா ஆலயங்களிலும் அபிஷேகம் செய்யும் வழக்கம் நடைமுறையில் உள்ளன.

இன்று கொரோனோ சூழ்நிலையில் வேலை இல்லாமல் வருமானம் இல்லாமல் *வறுமையில் வாடும் குழந்தைகள் ஆயிரக்கணக்கானோர் சிரமப்படுகிறார்கள். மரணம் அடைந்து கொண்டுள்ளார்கள்*.

பேசாத தெய்வங்களுக்கு வீண் விரயம் செய்யும் உணவுப் பொருள்களை *பேசும் தெய்வங்களான ஏழை எளிய மக்களுக்கு உதவிசெய்தால் அளவுகடந்த புண்ணியங்கள் வந்து சேரும்* என்பது வள்ளலார் வாக்கு.

*ஜீவகாருண்யமே கடவுள் வழிபாடு என்றும்*. *உயிர் இரக்கமே கடவுள் வழிபாடு  என்றும்*. *ஜீவகாருண்மே மோட்ச வீட்டின் திறவுகோல் என்றும்*  வள்ளலார் அழுத்தமாக சொல்கிறார்.

வள்ளலார் பாடல் ! 

வாடிய பயிரைக் கண்ட போதெல்லாம் வாடினேன் பசியினால் இளைத்தே 

*வீடு தோறும் இரந்தும் பசியறாது அயர்ந்த வெற்றரைக் கண்டுளம் பதைத்தேன்*

*நீடிய பிணியால் வருந்துகின்றோர் என் நேருறக் கண்டு உளம் துடித்தேன்*

*ஈடின் மானிகளாய் ஏழைகளாய் நெஞ்சு இளைத்தவர் தமைக் கண்டே இளைத்தேன்* ! 

என்கிறார் வள்ளலார்.

வட்டிமேல் வட்டிகொள் மார்க்கத்தில் நின்றீர் வட்டியை வளர்க்கின்ற மார்க்கத்தை அறியீர்

பெட்டிமேல் பெட்டி வைத்து ஆள்கின்றீர் வயிற்றுப் பெட்டியை நிரப்பிக் கொண்டு ஒட்டிஉள் இருந்தால்

*பட்டினி கிடப்பாரைப் பார்க்கவும் நேரீர் பழங்கஞ்சி யாயினும் வழங்கவும் நினையீர்*

எட்டிபோல் வாழ்கின்றீர் கொட்டிபோற் கிளைத்தீர் எத்துனை கொள்கின்றீர் பித்துலகிரே ! 

இதுபோல் நூற்றுக்கணக்கான பாடல்களின் வாயிலாக விழிப்புணர்வை மக்களுக்கு போதிக்கின்றார்.

சிந்தித்து செயல்பட்டால் எல்லா உயிர்களும் இன்புற்று வாழ்வதற்கு வழிகிடைக்கும்.

*பக்தியின் பெயரால் பொருள்களை விரயம் செய்யாமல் மக்களுக்கு பயன்படும் வகையில் செய்வதே அறிவுசார்ந்த ஆன்மீகமாகும்*.

எல்லா உயிர்களும் இன்புற்று வாழ்க ! 

கொல்லா நெறியே உலகம் எல்லாம் ஓங்குக ! 

அனபுடன் ஆன்மநேயன் ஈரோடு கதிர்வேல்.

9865939896.