சமரச சுத்த சன்மார்க்க சத்திய சங்கம் !

 *சமரச சுத்த சன்மார்க்க சத்திய சங்கம் !*

சாதி.சமயம்.மதம் அற்ற பொது நோக்கமுள்ள் ஒரே  மார்க்கம்தான் சமரச சுத்த சன்மார்க்க சத்திய சங்கம் என்பதாகும்.

*1872 ஆம் ஆண்டு  எல்லா உலகிற்கும் பொதுவான ஒரு மார்க்கத்தை ஒரு இயக்கத்தை தோற்றுவிக்கிறார் வள்ளல் பெருமான் அவர்கள்*.

*அதற்கு சமரச சுத்த சன்மார்க்க சத்திய சங்கம் என்று பெயர் சூட்டுகின்றார்*.

உலகில் உயர்ந்த அறிவுள்ள உயர்ந்த மனிதப் பிறப்பை பெற்றுள்ள நாம் தெரிந்து கொள்வதும் அறிந்து கொள்வதும் மிகவும் முக்கியமாகும். 

உயர்ந்த அறிவு பெற்ற ஒவ்வொரு மனிதர்களும் உயர்ந்த இடத்திற்கு செல்ல வேண்டும் என்பதே இயற்கையின் நியதியாகும்.ஆன்மாவின் இயற்கை குணமும் அதன் இயற்கை செயலுமாகும்.

அருட்பெருஞ்ஜோதி அகவல்!

சுத்தசன் மார்க்க சுகநிலை தனிலெனைச்

சத்திய னாக்கிய தனிச் சிவ பதியே ! 

*சுத்தசன் மார்க்க சுகநிலை பெறுக*

*உத்தம னாகுக வோங்குக வென்றனை!* 

ஒரு மனிதன் சுகநிலை அடைந்து வாழ்வதற்கு சத்திய நிலையை அறிந்து கொள்ள வேண்டும்.

*என்றும் நிலையான சத்திய நிலையில் வாழ்வதற்கு உத்தமர் தம் உறவு வேண்டும்*.

*உத்தமன் யார் ?* அவரை தொடர்பு கொள்ளும் வழி யாது என்று தெரிந்து கொண்டு வாழ்வதே மனிதனின் பிறவிப் பயனாகும். நாம் உண்மைத் தெரிந்து கொள்ளாமல். *உத்தமர் யார் என்பது தெரியாமல்.யார் யாரையோ உத்தமர் என நினைந்து பின்பற்றி வாழ்ந்து வருகிறோம்.*

ஏன் என்றால்  உண்மை அறிந்துகொள்ளும்  சுத்த சன்மார்க்கம் இல்லை.முன்னமே இருந்து இருந்தால் உண்மையான உத்தமரைத் தெரிந்து அறிந்து தொடர்பு கொண்டு மேல்நிலைக்கு சென்று இருப்போம்.

இக்காலமே உண்மை அறிந்து கொள்ளூம் சுத்த சன்மார்க்க காலம்.

*உத்தமன் யார் என்பதை வள்ளலார் சொல்லுகின்றார்.*

*பலகோடி அண்டங்களையும் பலகோடி உலகங்களையும்*. *அதில் உள்ள மண்.நீர்.அக்கினி.காற்று.ஆகாயம்* *மேலும் உள்ள அனைத்து தத்துவங்களையும்*. *அனைத்து உயிர்களையும் படைத்தவர் எவரோ அவரே உத்தமர் என்பவராகும்*.

அந்த உத்தமர் இருக்கும் இடத்திற்கு பெயர் தான் *சமரச சுத்த சன்மார்க்க சத்திய சங்கம்* என்பதாகும். அவை எங்கு உள்ளது.

 *அருட்பெரு வெளியில் உள்ள *அருட்பெருஞ்ஜோதி அருட்பெருஞ்ஜோதி தனிப்பெருங்கருணை அருட்பெருஞ்ஜோதி* என்னும் பெயருடன் விளங்கி கொண்டுள்ளது.

அந்த உத்தமரைத் தொடர்பு கொள்வதே உத்தமமாகும்.

வள்ளலார் சொல்லுவதை ஊன்றி கவனிக்க வேண்டும்.

இயற்கை உண்மையரென்றும்,

இயற்கை அறிவினரென்றும்,

இயற்கை இன்பினரென்றும்,

நிர்க்குணரென்றும்,

சிற்குணரென்றும்,

நித்தியெரென்றும்,

சத்தியரென்றும்,

ஏகரென்றும்,

அநேகரென்றும்,

ஆதியரென்றும்,

அமலரென்றும்,

*அவரே*

*அருட்பெருஞ்ஜோதியரென்றும்*

அற்புதரென்றும்,

நிரதிசயரென்றும்,

எல்லாமான வரென்றும்,

எல்லாமுடைய வரென்றும்,

எல்லாம் வல்லவரென்றும்,

குறிக்கப்படுதல் முதலிய அளவு கடந்த

*திருக்குறிப்பு திருவார்த்தைகளாற் சுத்த சன்மார்க்க ஞானிகள்*

துதித்தும்,

நினைத்தும்,

உணர்ந்தும்,

புணர்ந்தும்,

அனுபவிக்க விளங்குகின்ற *தனித்தலைமை பெரும் பதியாகிய பெருங்கருணை கடவுளே!*

தேவரீரது திருவருட் சமூகத்தில் துரும்பினும் சிறியோமாகிய யாங்கள் சிற்றறிவாற் செய்து கொள்ளும் சிறு விண்ணப்பங்களைத் திருச்செவிக்கேற் பித்தருளி யெங்களை பாதுகாத்து அருளல்  வேண்டும்.

எல்லாச் சத்திகளும், எல்லாச் சத்தர்களும், எல்லாத் தலைவர்களும் அறிந்து கொள்வதற்கு மிகவும் அரியதாய், எல்லாத் தத்துவங்களுக்கும், எல்லாத் தத்துவிகளுக்கும் அப்பால் அப்பாலாய் விளங்கும் ஓர் சுத்த *ஞான வெளியில்* தமக்கு ஒரு விதத்தாலும் ஒப்புயர்வு சிறிதுங் குறிக்கப்படாத *தனிப்பெருந் தலைமை அருட்பெருஞ்ஜோதியராகி* விளங்குகின்ற தேவரீரது தனிப்பெருந் தன்மைக்கு மெய்யறிவுடையோரால் விதிக்கப்பட்ட *வேதாகமங்களும் பெருந்தகை வாசகத்தைப் பெறாது சிறுதகை வாசகங்களைப் பெற்றுத் திகைப்படைகின்றன* என்றால், மலத்திற் புழுத்த புழுவினுஞ் சிறியேமாகிய யாங்கள் திருச்சமூகத்தில் விண்ணப்பித்தற் குரிய பெருந்தகை வாசகத்தை எவ்வாறறிவோம்! எங்ஙனஞ் செய்வோம்! ஆகலில், கருணாநிதியாகிய கடவுளே! யாங்கள் விண்ணப்பிக்கின்ற அற்ப வாசகத்தில் உரிமை நோக்காது அங்கீகரித்தருளி யெங்களைக் காத்தருளல் வேண்டும்.  

*என்று சொல்லி விளங்க வைக்கிறார்*  இயற்கை உண்மை கடவுளான அருட்பெருஞ்ஜோதி ஆண்டவர் இருந்து இயங்கிக் கொண்டு உள்ள இடத்திற்கு பெயர் *சமரச சுத்த சன்மார்க்க சத்திய சங்கம்* என்ற தலைப்பை வைத்து அருட்பெருஞ்ஜோதி ஆண்டவர் ஆணைப்படி பெயர் மாற்றம் செய்து பெயர் சூட்டுகிறார்.

அந்த சமரச சுத்த சன்மார்க்க சத்திய *சங்கத்திற்கு தலைவர் அருட்பெருஞ்ஜோதி ஆண்டவரே* என்பதையும் மக்களுக்குத் தெரிவிக்கின்றார். 

மேலும் இச்சங்கத்தை  இயக்கும் நடத்தும் பொருப்பை வள்ளலார் இடமே ஒப்படைக்கின்றார் அருட்பெருஞ்ஜோதி ஆண்டவர்.

வள்ளலார் பாடல் !

உலகமெலாம் போற்ற ஒளிவடிவ னாகி

இலகஅருள் செய்தான் இசைந்தே 

*திலகன்என*

*நானேசன் மார்க்கம் நடத்துகின்றேன்* நம்பெருமான்

தானே எனக்குத் தனித்து.! 

வள்ளலாருக்கு முன்பு வரை பல சன்மார்க்க சங்கங்கள்  இருந்துள்ளன. அவற்றில் சமரசமும். சுத்தமும். சத்தியமும் இல்லை. மனித நேயம் இல்லாமல் ஆன்மநேயம் தெரியாமல். ஒற்றுமை இல்லாமல் வேற்றுமையை உருவாக்கிக் கொண்டே எல்லா மார்க்கமும் செயல்பட்டு கொண்டு உள்ளன. அதனால் உயிர்கள் போரிட்டு மாண்டு கொண்டே உள்ளன. ஆதலால் ஆன்ம இன்ப லாபம் பெறமுடியாமல்.

ஆன்மாக்கள் பிறப்பு எடுத்துக் கொண்டே உள்ளன.

*மனித குலத்தை காப்பாற்ற வேண்டும்*.

மனித குலத்தை காப்பாற்றுவதே புதிய சமரச சுத்த சன்மார்க்க சத்திய சங்க கொள்கைகளாகும்.

வள்ளலார் பாடல் ! 

*பன்னெறிச் சமயங்கள்* *மதங்கள் என் றிடும்ஓர்*

*பவநெறி இதுவரை* *பரவியது* அதனால்

செந்நெறி அறிந்திலர் இறந்திறந் துலகோர்

*செறிஇருள் அடைந்தனர்* ஆதலின் இனிநீ

புன்னெறி தவிர்த்தொரு பொதுநெறி எனும்வான்

புத்தமு தருள்கின்ற 

*சுத்தசன் மார்க்கத்*

*தன்னெறி* *செலுத்துக என்றஎன் அரசே*

*தனிநட ராஜஎன் சற்குரு மணியே.!* 

என்னும் பாடல்வாயிலாக தெரிவிக்கின்றார். 

மனிதகுலம்  இதுவரையில் மரணத்தை வெல்ல முடியாமல் இறந்து இறந்து.பிறந்து பிறந்து கொண்டே உள்ளன

  மரணம் இல்லாமலும் மீண்டும் பிறப்பு இறப்பு இல்லாமலும் ஆன்மாக்கள் பேரின்ப பெருவாழ்வு வாழ்வதற்கு.

வழி காட்டும் மார்க்கமே *சமரச சுத்த சன்மார்க்க சத்திய சங்க மார்க்கமாகும்.*

மனித வாழ்க்கையில் உடல் உயிர்.ஆன்மா தனித்தனியே பிரியாமல். மரணம் என்னும் பெம்பாவி வந்திடாமல்.

அவற்றை தடுத்து நிறுத்தும் வழியைக் கண்டுபிடித்து.

துன்பம் துயரம் அச்சம் பயம் இல்லாமல் தைரியமாக  வாழ்வதற்கு  கற்றுத்தரும் கல்விக்கு *சாகாக் கல்வி* என்றும் பெயர் வைக்கிறார்.சாகாத கல்வி கற்றுத்தரும் ஒரே மார்க்கம்.வள்ளலார் தோற்றுவித்த சுத்த சன்மார்க்கமாகும். *சாகாத கல்வியினால் பெரும் உயர்ந்த பட்டம் எதுவென்றால் மரணத்தை வெல்லும்  அருள் என்னும் பட்டமாகும் .*

*வள்ளலார் பாடல்* ! 

கற்றேன் சிற் றம்பலக் கல்வியைக் கற்றுக் கருணை நெறி

உற்றேன்  *எக் காலமும் சாகாமல்* *ஓங்கும் ஒளிவடிவம்*

*பெற்றேன்* *உயர்நிலை* 

*பெற்றேன்* உலகில் பிறநிலையைப்

பற்றேன் சிவானந்தப் பற்றே என் பற்றெனப் பற்றினனே.! 

மேலும்...

சாகாத கல்வியே கல்வி ஒன்றே சிவம்

தான் என அறிந்த அறிவே

தகும்அறிவு *மலம் ஐந்தும் வென்றவல் லபமே*

*தனித்த பூரண வல்லபம்*

வேகாத காலாதி கண்டு கொண்டு எப்பொருளும்

விளைய விளை வித்ததொழிலே

மெய்த்தொழில தாகும் இந் நான்கையும் ஒருங்கே

வியந்தடைந் துலகம் எல்லாம்

மா காதலுற எலாம் வல்ல சித்தாகி நிறை

வான வரமே இன்பமாம் 

*மன்னும்இது நீ பெற்ற* *சுத்தசன் மார்க்கத்தின்*

*மரபு* *என்று உரைத்தகுருவே*

தேகாதி மூன்றும் நான் தருமுன் அருள் செய்து எனைத்

தேற்றி அருள் செய்தசிவமே

சிற்சபையின் நடுநின்ற ஒன்றான கடவுளே

தெய்வநட ராஜபதியே.! 

என்னும் பாடல் வாயிலாக சுத்த சன்மார்க்கத்தின் மரபைப்பற்றியும் அதனால் கற்கும் *சாகாக்கல்வி* பற்றியும் விளக்கமாக விளங்க வைக்கிறார்.

*சுத்த சன்மார்க்கம் என்பது எந்த சமய மதங்களையும் சாராத பின் பற்றாத  தனித்த தனி மார்க்கமாகும்.*

வள்ளலார் பாடல் ! 

திருநெறி ஒன்றே அதுதான் சமரச சன் மார்க்கச்

சிவநெறி என்று உணர்ந்து உலகீர் சேர்ந்திடுமின் ஈண்டு

வருநெறியில் எனை யாட்கொண்டு *அருளமுதம் அளித்து*

வல்லப சத்திகள் எல்லாம் வழங்கியஓர் வள்ளல்

பெருநெறியில் சித்தாடத் திருவுளங்கொண்டு அருளிப்

பெருங்கருணை வடிவினொடு வருதருணம் இதுவே

*கருநெறிவீழ்ந் துழலாதீர் கலக்கமடை யாதீர்*

கண்மையினால் கருத்தொருமித் துண்மை உரைத்தேனே .! 

மேலே கண்ட பாடலில் தெளிவாக விளக்கம் தந்து மக்களை ஆன்மநேயத்தோடு அழைக்கின்றார் வள்ளல்பெருமான் அவர்கள்.

சுத்த சன்மார்க்கம் என்பது அருட்பெருஞ்ஜோதி ஆண்டவரால் தோற்றுவிக்கப்பட்ட மார்க்கமாகும். என்றும் நிலைத்து நிற்கும் மார்க்கமாகும். 

*வள்ளலார் சொல்வதை கவனிக்கவும்.* 

பிரஜோற்பத்தி வருடம் சித்திரை மாதம்  12 .4 . 1871 ஆம் நாள் வெளியிட்டது.

சுத்த சிவ சன்மார்க்கம் ஓன்றே இனி எல்லா உலகத்தும் வழங்கும் . இதற்கு எவ்விதப்பட்ட தடைகளும் இல்லை . தடையற்ற பெருநெறி வழக்கம் *இக்காலந்தொட்டு அளவிறந்த நெடுங்கால வரையில் வழங்கும் . அதன்மேலும் வழங்கும்*.

பலவகைப்பட்ட சமய பேதங்களும். சாத்திர பேதங்களும்.ஜாதி பேதங்களும்.ஆசார பேதங்களும் போய் சுத்தசன்மார்க்கப் பெருநெறி யொழுக்கம் விளங்கும் . அது கடவுள் சம்மதம் . இது 29 மாதத்திற்கு மேல் .

*இப்போது வருகிற நமது கடவுள் இதற்கு முன் சமய சாத்திர புராணங்களில் வந்ததாகச் சொல்லுகின்ற பலவகைப்பட்ட *ஏற்பாட்டுக் கா்த்தா்கள் , மூா்த்திகள், கடவுளா் , தேவா் , அடியார் , யோகி , ஞானி முதலானவா்களில் ஓருவரல்ல* . இப்படிச் சொல்லப்பட்ட எல்லா மூர்த்திகளும் , எல்லாத் தேவா்களும் , எல்லாக் கடவுளரும் , எல்லாத் தலைவா்களும் , எல்லா யோகிகளும் , எல்லா ஞானிகளும் , தங்கள் தங்கள் அனுபவங்களைக் குறித்து எதிற்பார்க்கின்றபடி எழுந்தருளு கின்ற தனித்தலைமைப் பெரும்பதி .

இது உண்மையாயின் அந்தப் பதியின் அருளை நான் பெறுவேன் . பெறுகின்றேன் . பெற்றேன் . *என்னை யடுத்த தாங்களும் பெறுதற்கு யாதொரு தடையுமில்லை*. பெறுவீர்கள் .பெறுகின்றீா்கள்.பெற்றீா்கள் அஞ்சவேண்டாம். என்னும் அறிவிப்பை தெளிவாக வெளிப்படுத்துகின்றார்.

 உலகில் உள்ள பலதரப்பட்ட ஆன்மீக மார்க்கங்களைப் பின்பற்றி நாம் கடைபிடிப்பதாலும்.

அவற்றில் உள்ள தத்துவ கடவுள்களை வணங்கி வழிபடுவதால்  எந்த பயனும் இல்லை.அருள் பெறவும் வாய்ப்பு இல்லை. என்பதை தெரிந்து அறிந்து புரிந்து கொண்டு.

அருட்பெருஞ்ஜோதிஆண்டவரால் தோற்றுவிக்கப்பட்ட சுத்த சன்மார்க்க கொள்கைகளைக் கடைபிடித்து  பின்பற்றி வாழ்ந்தால் பெறவேண்டியதை பெற்றுக் கொள்ளலாம். 

*அருள் வழங்கும் தகுதி அருட்பெருஞ்ஜோதி ஆண்டவருக்கும் மட்டுமே உண்டு*  

வள்ளலார் பாடல் ! 

ஆதி அந்தமும் இல்லதோர் அம்பலத் தாடும்

சோதி தன்னையே நினைமின்கள் சுகம்பெற விழைவீர்

நீதி கொண்டு உரைத்தேன் இது நீவீர் மேல் ஏறும்

வீதி மற்றைய வீதிகள் கீழ்ச்செலும் வீதி.! 

என்பதை அறிவால் அறிந்து கொள்வதே உயர்ந்த அறிவாகும்.

துன்மார்க்கங்களை எல்லாம் தொலைத்து விட்டேன் என்கிறார்.

துன்மார்க்கம் எல்லாம் தொலைத்து விட்டேன் சுத்தசிவ

சன்மார்க்க சங்கம் தலைப்பட்டேன் -  

*என்மார்க்கம்*

*நன்மார்க்கம்* என்றே வான் நாட்டார் புகழ்கின்றார்*

மன்மார்க்கத் தாலே மகிழ்ந்து.! 

உயர்ந்த நிலையில் வாழ்ந்து கொண்டு இருக்கும் வையகத்தில்.

வானகத்ததில்.

மெய்யகத்தில் உள்ள அருளாளர்கள் எல்லாம் சுத்தசன்மார்க்கம் ஒன்றே நன்மார்க்கம் என்று மகிழ்ந்து போற்றி புகழ்கின்றார்கள் என்பதையும் உணர்ந்து கொள்ள வேண்டும்.

எனவே உயர்ந்த அறிவு பெற்ற மனிததேகம் கிடைத்த நாம் உண்மை அறிந்து உண்மை நெறியான *சுத்த சன்மார்க்க மெய்நெறி ஒழுக்கமான இந்திரிய.கரண.ஜீவ.ஆன்ம ஒழுக்கங்களை* கடைபிடித்து மெய்ப்பொருள் நன்கு உணர்ந்து. அவற்றைத் தொடர்புகொண்டு  அருளைப்பெற்று மரணத்தை வென்று பேரின்ப லாபத்துடன் வாழ்வாங்கு வாழ்வோம்.

*என்மார்க்கம் இறப்பு ஒழிக்கும் சன்மார்க்கம் என்பார் வள்ளலார்*

வள்ளலார் பாடல் ! 

கண்டதெலாம் அநித்தியமே கேட்டதெலாம் பழுதே

கற்றதெலாம் பொய்யே நீர் களித்ததெலாம் வீணே

உண்டதெலாம் மலமே உட் கொண்டதெலாம் குறையே

உலகியலீர் இதுவரையும் உண்மையறிந் திலிரே

விண்டதனால் என்இனி நீர் சமரசசன் மார்க்க

மெய்ந்நெறியைக் கடைப்பிடித்து மெய்ப்பொருள் நன் குணர்ந்தே

எண்டகு சிற் றம்பலத்தே எந்தைஅருள் அடைமின்

இறவாத வரம்பெறலாம் இன்பமுற லாமே.!

மேலும்...

இன்புறலாம் எவ்வுலகும் ஏத்திடவாழ்ந் திடலாம்

எல்லாம் செய் வல்லசித்தி இறைமையும்பெற் றிடலாம்

அன்புடையீர் வம்மின்இங்கே சமரசசன் மார்க்கம்

அடைந்திடுமின் அகவடிவிங் கனகவடி வாகிப்

பொன்புடைநன் கொளிர்ஒளியே புத்தமுதே ஞான

பூரணமே ஆரணத்தின் பொருள்முடிமேல் பொருளே

வன்புடையார் பெறற்கரிதாம் மணியே சிற் சபையின்

மாமருந்தே என்றுரைமின் தீமையெலாம் தவிர்ந்தே.! 

மேலே கண்ட பாடலை ஊன்றி படிக்கவும்.தெளிவு பெறவும். 

சுத்த சன்மார்க்கத்தின் உள் நுழைந்து அருளைப் பெறுவதற்கு தடையாக இருப்பவை எவை எவை என்பதை வள்ளலார் சொல்லுகின்றார்.

எல்லாமுடைய அருட்பெருஞ்ஜோதி அற்புதக் கடவுளே!

இது தொடங்கி *எக்காலத்தும் சுத்த சன்மார்க்கத்தின் முக்கியத் தடைகளாகிய சமயங்கள், மதங்கள், மார்க்கங்கள் என்பனவற்றின் ஆசார சங்கற்ப விகற்பங்களும், வருணம், ஆசிரமம் முதலிய உலகாசார சங்கற்ப விகற்பங்களும்* எங்கள் மனத்திற் பற்றாதவண்ணம் அருள் செய்தல் வேண்டும். *சுத்த சன்மார்க்கத்தின் முக்கிய லஷியமாகிய ஆன்மநேய ஒருமைபாட்டுரிமை எங்களுக்குள் எக்காலத்தும் எவ்விடத்தும் எவ்விதத்தும் விலகாமல் நிறைந்து விளங்கச் செய்வித்தருளல் வேண்டும்*.

எல்லாமாகிய தனிப் பெருந்தலைமை அருட்பெருஞ்ஜோதி யாண்டவரே!

தேவரீர் திருவருட் பெருங்கருணைக்கு வந்தனம்! வந்தனம்!

*தடைகளை தவிர்போம் அருளைப் பெறுவோம்*

எல்லா உயிர்களும் இன்புற்று வாழ்க ! கொல்லா நெறியே உலகம் எல்லாம் ஓங்குக ! 

அன்புடன் ஆன்மநேயன் ஈரோடு கதிர்வேல்.

9865939896