*விசாரம் செய்வோம் மரணத்தை வெல்வோம்!*

 

ஆன்மநேய ஒருமைப்பாட்டு உடைய  சுத்த சன்மார்க்க சகோதர சகோதரிகளின் கவனத்திற்கு ஒரு சிறு விண்ணப்பம்

*அனுபவித்தால் அனுபவம் விளங்கும்*

எந்த ஒரு பதார்த்தத்தையும் உண்டு அனுபவிக்காமல், பார்த்தவுடன் அதன் சுவையை சொல்ல இயலுமா ?

அப்படி உண்டு அனுபவிக்காமல் அதன் சுவையை சொன்னால் அது வெறும் கற்பனை கணிப்பாகத்தான் இருக்குமே தவிர உண்மையை அடுத்தவர்களுக்கு விளக்கி சொல்ல முடியாததாகத்தானே இருக்கும்  

அனுபவித்து அறிந்துகொள்ள வேண்டிய ஒருபொருளை அனுபிவிக்காமலேயே பேசி பேசி வீண் விவாதம் செய்து வீண்போவதே நம் வாழ்க்கையாக உள்ளது.

எந்தப் பொருளையும்  அனுபவிப்பதற்கான முயற்சியை மேற்கொண்டால் அதன் பயன் என்ன என்பதை தெரிந்து கொள்ளலாம். ?

நமது வள்ளல் பெருமான் இப்புவியில் வருவிக்கவுற்றதின்  நோக்கம்.

 அனைவருக்கும் பொதுவான ஒரேக் கடவுளை சாதி சமயம் மதம் என்ற பெயரால் கூறுபோட்டு..

அவரவருக்கு ஏற்றவாறு ஜட தத்துவங்களின்  பெயரை கடவுளுக்கு வைத்து ஒற்றுமை இன்றி போரிட்டு சிதைந்து கிடக்கும் உயர்ந்த பிறப்பான மானிடப்பிறவிகளை எல்லாம்.

சுத்தசன்மார்க்கம் என்ற பொதுக் கொள்கையால்  ஒன்றுபடுத்தி.ஒற்றுமை உண்டாக்கி.ஜீவ நேயத்தையும்.ஆன்மநேயத்தையும் புரிய வைத்து. இயற்கை உண்மையாய் என்றும் விளக்கமாய்   விளங்கி கொண்டு உள்ளதாய். இயற்கை இன்பத்தை வழங்குவதாய் உள்ள எல்லாம் வல்ல தனித்தலைமைப் பெரும்பதியாகிய

அருட்பெருஞ்ஜோதி என்ற ஒரே கடவுளை அனைவரும் ஒருமையுடன் வணங்கி வழிபட்டு அவரவர்களின் வாழ்வும் நிலைக்க வைக்க வேண்டும்.

அதற்கு சிற்றம்பலக் கல்வியாம் சாகாக் கல்வி கற்று தேர்ச்சி பெற்று தெளிவடைய வேண்டும்.

மரணமிலாப் பெருவாழ்வில் வாழ்ந்திட வேண்டும் என்ற பெருங்கருணை பெரும் நோக்கத்தில், இவ்வுலகிற்கு திருவருளால் வருவிக்கவுற்றவர்தான் திருஅருட்பிரகாச வள்ளல்பெருமான் அவர்கள்.

 இகத்தே பரத்தைப் பெற்று மரணத்தை வெல்ல வேண்டும் என்பதே வள்ளலாரின் சுத்த சன்மார்க்க கொள்கையாகும். சொல்லிய வண்ணமே அருள் பூரணத்தைப்பெற்று வாழ்ந்து கொண்டு இருப்பவர் நமது அருட்தந்தை வள்ளல்பெருமான் ஆவார்கள்.

அப்படி வந்த நமது வள்ளல்  பெருமான் தாம் வருவிக்கவுற்ற நோக்கத்தையும்,

அதன்படி தாம் அடைந்த அருள் அனுபவத்தையும் இறையனுபவத்தையும்  இவ்வுலகவர்களுக்கு விளக்கி வெளிப்படக் கூறியது மட்டும் இல்லாமல்... ,

அதை அடைவதற்கான வழிதுறையையும் நமக்கு தெளிவாக சொல்லி வைத்து உள்ளார்கள்.

அதன்படி வாழ்ந்தும் உள்ளார்கள்.

அந்த வகையில் நாம் பெருமான் கூறிய சுத்தசன்மார்க்க சுகப் பெரும்நிலையாகிய அருட்பெருஞ்ஜோதி இயற்கை அனுபவ நிலையை பெற வேண்டியதற்கான  நன் முயற்சியை அடிப்படையில் இருந்து ஒவ்வொன்றாகத்தான் நாம் கடந்து வரவேண்டும்  .

*ஒரு ஜாமநேரம்*

 நாம் பெறவேண்டியதைப் பெற்றுக்கொள்வதற்கு ஒரு ஜாமநேரம் போதும் என்கின்றார்கள் அதாவது மூன்று மணிநேரம் .

 *இதில் நாம் ஊன்றி கவனிக்க வேண்டியது அங்கு சொல்லபட்ட வார்த்தைகளின் பொருளைத்தான் .* 

அதன்படி தற்போது,  நாம் வாழ்ந்துகொண்டு இருக்கும் தரத்திற்கும் நமது அறிவின் பக்குவ நிலைக்கும் இது சாத்தியமாகுமா ? 

என்று சற்று சிந்தித்து அதைப்பற்றிய தயவான விவாதம் செய்திடல் வேண்டும் .

 *அப்படி என்னதான் பெருமான் கூறியிருக்கின்றார்கள் என்றால் ;* 

நாம் இதுவரை கண்டது.கேட்டது.  கற்றது. களித்து.கேட்டது.

உண்டது.உட்கொண்டது எல்லாம் பொய் என்பதை உணர்ந்து அனைத்தையும் தள்ளிவிட முயற்சி செய்ய வேண்டும்.

வள்ளலார் பாடல் ! 

கண்டதெலாம் அநித்தியமே கேட்டதெலாம் பழுதே

கற்றதெலாம் பொய்யேநீர் களித்ததெலாம் வீணே

உண்டதெலாம் மலமேஉட் கொண்டதெலாம் குறையே

உலகியலீர் இதுவரையும் உண்மையறிந் திலிரே

விண்டதனால் என் இனிநீர் சமரசசன் மார்க்க

மெய்ந்நெறியைக் கடைப்பிடித்து மெய்ப்பொருள்நன் குணர்ந்தே

எண்டகுசிற் றம்பலத்தே எந்தைஅருள் அடைமின்

இறவாதர வரம்பெறலாம் இன்பமுற லாமே.! 

என்னும் பாடல் வாயிலாக தெரியப்படுத்துகின்றார்.இனிமேல் நாம் சுத்த சன்மார்க்க மெய்நெறியைக் கடைபிடித்து

மெய்ப்பொருளான அருட்பெருஞ்ஜோதி ஆண்டவர் கட்டளைப்படி ஒழுகவேண்டும்.

ஒழக்கம் நிறைந்து கருணையே வடிவமாக மாறும்போது இறைவன் அருளைப்பெற்று மரணத்தை வெல்லலாம் என்கிறார்.

  

அன்பான ஆன்மநேய  சகோதர சகோதரிகளே ,

நமது ஆன்மாவை தெரியவிடாமல் மறைத்திருக்கும் அறியாமை என்னும் மாயை திரைகளை அகற்ற வேண்டுமென்றால் அது உயிர்க்கருணை கொண்டு *பரவிசாரம் என்ற சுத்த உஷ்ணத்தால் மட்டுமே நீக்கமுடியும்* என்பதும்.

 *அந்த சுத்த உஷ்ணம் எப்படிப்பட்டதென்று* 

 *தெரிய வேண்டுமென்றால்*

 *அது ஒரு யோகியினுடைய அனுபவத்தில் தெரிந்துக் கொள்ளலாம் என்பதுவாம்.* 

 *அப்படிபட்ட உஷ்ணத்தை மனுஷ தரத்தில் இருந்து உண்டுசெய்வதற்கு தெரியாது என்பதுவாம் .* 

*ஒரு யோகி காடு மலை குகை முதலியவற்றிற்கு சென்று நூறு வருடம் ஆயிரம் வருடம் தவம் செய்து*

உண்டாக்கிக் கொள்ளும் ,

 *இந்த உஷ்ணத்தைக்காட்டிலும் கோடி பத்துக்கோடி பங்கு அதிகமான உஷ்ணத்தை நாம் உண்டுபண்ணிக்கலாம்* .

எப்படி என்னில் ,

 *ஒரு ஜாம நேரம் மனத்தில் "இக விசாரம் இன்றி பர விசாரிப்புடன்" ஆன்ம நெகிழ்ச்சியோடு"* *தெய்வத்தை சிந்தித்துக்கொண்டாவது  அல்லது ஸ்தோத்திரம் செய்துகொண்டாவது இருந்தால்,* 

 *நாம் பெறவேண்டியதைப் பெற்றுக்கொள்ளலாம் .* 

என்று பெருமான் கூறுகின்றார்கள் 🌺

 *இதில் கூறப்பட்ட நேரம் என்னவோ வெறும் மூன்று மணிநேரம்தான் .* 

 

*ஆனால் அதில் சொல்லப்பட்ட நியதிகள்தான் இமயத்தை ஒத்ததாக எட்டாத உயரத்தில் உள்ளது.* 

*ஆம் சகோதரர்களே!* 

*மனத்தில் இகவிசாரிப்பு இன்றி பரவிசாரிப்புடன் ஒரு ஐந்து நிமிடம் நம்மால் ஒரு இடத்தில் உட்கார இயலுமா ?* என்றால் ரொம்ப கஷ்டம் தான்.ஆனாலும் அதிதீவிர முயற்சியுடன் இருந்தால் பெறவேண்டியதை பெற்றுக் கொள்ளலாம்.

இக விசாரிப்பு என்பது என்ன ? 

இகலோக இல்லற வாழ்வில் நம்மை சார்ந்துள்ள விஷயங்களைப் பற்றிய விசாரிப்புகளே ஆகும்.

 மனம் வேறு எந்த விஷயங்களையும் நினைக்காமல் ஆண்டவர் ஒருவரையே நினைத்து அவரது அருளையே வேண்டி ,

ஆன்ம நெகிழ்வோடு அழுத கண்ணீர் மாறாமல் ஆகாரத்தில் இச்சை இல்லாமல் இறை உணர்வோடு நினைந்து நினைந்து. உணர்ந்து உணர்ந்து. நெகிழ்ந்து நெகிழ்ந்து்

அன்பே நிறைந்து நிறைந்து ஊற்றுபோல் எழும் கண்ணீர் ஆறாய் பெருகி உடம்பெல்லாம் நனைந்து ஓடவும்வேண்டும்.

ஆகாரம் என்ற நினைப்பே இல்லாத வண்ணம் இருந்து ஆண்டவரை சிந்தித்தோ அல்லது ஸ்தோத்திரம் செய்துகொண்டோ இருந்தால் வள்ளல்பெருமான் கூறுகின்றபடி பெற்றுக்கொள்வது சாத்தியம்தான்.

*அவ்வாறு செய்வதற்கு தடையாக இருப்பது*

*வள்ளலார் பாடல்* !

புகுந்தருணம் இதுகண்டீர் நம்மவரே நான்தான்

புகல்கின்றேன் என்மொழிஓர் பொய்மொழிஎன் னாதீர்

உகுந்தருணம் உற்றவரும் பெற்றவரும் பிறரும்

உடைமைகளும் உலகியலும் உற்றதுணை அன்றே

மிகுந்தசுவைக் கரும்பேசெங் கனியேகோற் றேனே

மெய்ப்பயனே கைப்பொருளே விலையறியா மணியே

தகுந்ததனிப் பெரும்பதியே தயாநிதியே கதியே

சத்தியமே என்றுரைமின் பத்தியொடு பணிந்தே.! 

மேலே கண்ட பாடலில் சொல்லியவண்ணம் எதுவும் துணைஇல்லை என்பதை உணர்ந்து ஒதுங்கி கொள்ள வேண்டும்.

 *ஆனால், நம்முடைய பக்குவம் தற்போது எந்தவண்ணம் உள்ளது ?* 

 *இவ்வுலக விடய ஆசைகளில் நிராசையுற்று , சதா சர்வகாலமும் ஆண்டவரை நினைத்து அழுது புலம்புகின்றோமா ?* 

 *நமது மனம் வேறு எந்த விஷத்தையும் பற்றாமல் ஆண்டவரையே பற்றிக்கொண்டு சுற்றி வருகின்றதா ?* 

இல்லையே !

நாம் இன்னும் குடும்ப பந்தத்திலும் , இவ்வுலக பந்தத்திலும் மூழ்கி கிடக்கின்றோமே,

அந்தப் பற்றையே இன்னும் விடமுடியவில்லையே !

நமக்கு அடுத்தடுத்து  நடப்பதெல்லாம் இறைவன் செயலாலேயே நடக்கும், *அவரே நமது பசியறிந்து உணவளிப்பார்*,

*உணவு கிடைத்தால் உண்போம்* ,

இல்லை என்றால் ஆண்டவரை நினைத்துக்கொண்டே *பசி என்ற உணர்வு இல்லாமல்  உறங்குவோம்  *தற்சுதந்திரம் இன்றி,* 

நம்மிடம் உள்ள பணத்தை அடுத்த வேலைக்கு தேவை என்று வைத்துக்கொள்ளாமல் கேணியிலும் குளத்திலும் கிணற்றிலும் பணத்தாசை இல்லாமல் வீசிவிட்டோமா ?

இல்லையே !

 *இன்னும் அடுத்தவேலை உணவுக்காகத்தானே ஊர்ஊராக வேலையைத் தேடி பணத்தக்காக பதறி ஓடுகின்றோம் ,* 

இன்னும் ஓடிக்கொண்டே இருக்கின்றோம் .

 *ஓய்ந்து ஒரு இடத்தில் அமர்ந்து கண்ணை மூடினாலே மனம் ஒரு நிமிடத்தில் ஓராயிரம் எண்ணங்களை அசைபோடுகின்றதே* *

அவ்வளவு ஏன் ! சன்மார்க்க அருமை சகோதர சகோதரிகள் சுத்தசன்மார்க்க வழிபாட்டிலும்,

சன்மார்க்க நிகழ்ச்சிகளிலும் அருட்பெருஞ்ஜோதி அகவலை படிப்பதை பழக்கமாகவும், வழக்கமாகவும் படித்து வருகின்றோம் என்பது அனைவரும் அறிந்தது;

*சிலர் நாள் தவறாமல் அகவலை படிக்கின்றார்கள்.* 

*பலர் அகவலை பார்க்காமலேயே 1596 அடிகளையும் படிக்கின்றார்கள் .* 

 *ஆனால் ,அகவல் படிக்கின்ற அந்த ஒன்றரை மணிநேரம் நமது மனம் வேறு எதையும் நாடாமல் , வேறு எதையும் நினைக்காமல்  , வேறு எதையும் வேண்டாமல் அகவலின் உட்கருத்தை மட்டுமே உன்னிநின்று ஆண்டவரையே நினைத்துக்கொண்டு படித்து முடிக்க நமது மனம் ஒத்துழைக்கின்றதா?* என்பதை சிந்திக்க வேண்டும்.

*அப்படி நாம் படித்துவிட்டாலே மனம் நமது பக்குவத்திற்கு வரக்கூடிய தன்மையில் இருக்கின்றது என்பதை உணர்ந்துகொள்ளலாமே* 

சுத்தசன்மார்க்கத்தில் பெருமான் , நாம் அடையவேண்டிய லஷியமாக கூறிய கருத்தை எல்லாம்  அறிந்துகொண்டு...,

அதற்கு என்னென்ன உபாயமாக கூறினார்களோ அவற்றை எல்லாம் 

தெரிந்து கொண்டு... ,

ஒவ்வொன்றையும் வரிசைப்படி கடந்து வந்து , ஒவ்வொரு படியிலும் கிடைக்கும் அனுபவங்களே நமக்கு அடுத்தடுத்த நிலைக்கு செல்வதற்குரிய அறிவைக் கொடுக்கும் என்பதை உணர்ந்து... ,  

 *தற்போது நமது பக்குவத்திற்கு தக்கவாறு விசாரம் செய்வோம் அதைப்பற்றி மட்டுமே விசாரிப்போம் என்பதுதான்* 

 *அந்த விசாரம்கூட , நமது பக்குவத்திற்கும் தரத்திற்கும் ஒத்தவர்களாக உள்ளவர்களுடன் விசாரனை செய்வேண்டும் .* 

 *நம்மைவிட மிகவும் மேலான தரத்தவர்களுடனும் விசாரம் செய்தல் கூடாது, அல்லது நம்மைவிட தாழந்த தரத்தில் இருப்பர்களுடனும் விசாரம் செய்தல் கூடாது ;* 

 

அப்படி நமது தரத்திற்கு மாறுபட்டு உள்ளவர்களுடன் விசாரம் செய்தால் ,

நமது மனத்தில் எழும் அறியாமை கேள்விகளுக்கு நமக்கு அன்புடனும் தயவுடனும் பதில்சொல்லும் பொறுமை அவர்களுக்கு இல்லாமல் போய்விடலாம்...,

 *அது அவரவர்களின் தயவைப் பொறுத்து கருணையைப் மாறுபட்டதாய் உள்ளது;* 

 *இதனால் நமக்கு தேவையான விளக்கம் கிடைக்காது  என்பதை உணர்ந்து ,* 

 *நம்தரத்திற்கு ஒத்தவர்களை அறிந்து விசாரனை செய்வோம் அல்லது தனித்து இருந்து கேள்விகளை நமக்குநாமே கேட்டுக்கொண்டும்விசாரம் செய்யலாம் ,* 

*அருட்பெருஞ்ஜோதி ஆண்டவர் வள்ளல் பெருமான் துணைக்கொண்டு விசாரம் செய்வோம் ;* 

 *அந்த விசாரனை எப்படி இருக்கவேண்டும் என்றால்... ,* 

*நமது பக்குவத்திற்கு ஏற்றதாக இருக்கவேண்டும் .* 

ஆம் ,

 *விடய ஆசைகளையே அடக்கமுடியாத நாம் மரணமிலாப் பெருவாழ்வை  அடைவது எப்படி என்றும், இன்னும் ஏன் யாரும் அடையவில்லை என்றும் விசாரம் செய்வது அறியாமை .* 

அவற்றைதான் வள்ளல்பெருமான் விளக்கமாக கூறியுள்ளார்களே ! 

அவற்றை படித்து தெரிந்துகொள்ள வேண்டும் அவ்வளவுதான் .

அதை விடுத்து அதைப்பற்றிய காரசாரமான விவாதம் கூடாது ,

ஏனென்றால் அதை அடைந்த ஒருவரிடம் விசாரம் செய்தால் அதற்கான விளக்கம் கிடைக்கும் .

*ஆனால் நாமோ,*

*ஆசையை ஒழிக்க இன்னும் எத்தனைப்பிறவிகள் எடுக்க வேண்டுமோ*?

*மனத்தை வசப்படுத்த இன்னும் எத்தனைப் பிறவிகள் எடுக்கவேண்டுமோ?*

*தன்னை அறிந்துகொள்ள இன்னும் எத்தனைப் பிறவிகள் எடுக்க வேண்டுமோ* ?

*ஆண்டவரின் பரிபூரண அருளைப் பெறுவதற்கு இன்னும் எத்தனைப் பிறவிகள் எடுக்கவேண்டுமோ.* *?

*மரமிணலாப் பெருவாழ்வு என்ற இலக்கை அடைய இன்னும் எத்தனைப் பிறவிகள் எடுக்க இருக்கின்றோமோ தெரியவில்லையே* ? .

*என்ற அவநம்பிக்கை இல்லாமல் அருளைப் பெற்றே ஆகவேண்டும் என்ற அதி தீவிர முயற்சி யில் விசாரம் செய்ய வேண்டும்*

 *ஆனால் இவற்றை எல்லாம் அருளொளி கிடைக்கப் பெற்றால் கணத்தில் பெற்றுக்கொள்ளலாம் .* 

 *அருளொளி கிடைப்பதற்கான  தயவைப் பெறுவதுதானே நமது நோக்கம்.* 

 *ஆகலில் விசாரம் என்ற பெயரில், அனுபவித்து அறியாத ஒரு நிலையைப்பற்றி அனுபவித்தறியாத மற்றொருவரிடம் விவாதம் செய்கின்றபோது அது பலனற்று விகாரப்பட்டு நிற்கும் .* 

எனவே பெருமான் கூறிய அத்தனை அனுபவங்களையும் படித்து தெரிந்துகொள்வது நமது கடமை.

 *ஆனால் விசாரம் செய்வது என்பது நமது பக்குவத்திற்கு தக்கவாறு , நம்மால் அறிந்து கொள்ளக்கூடிய செயல்களான* 

ஜீவகாருண்யம் என்பது எப்படிப்பட்டது என்றும் ,

*இகலோக வாழ்வு என்றால் என்ன* *? 

*பரலோக வாழ்வு என்றால் என்ன* ?*

*இம்மை இன்ப லாபம்* 

*மறுமை இன்ப லாபம்*

*?பேரின்ப லாபம் என்றால் என்ன* ?

 

*அண்டம் பிண்டம்* 

*அகம் அகப்புறம் புறம்* *புறப்புறம் இவற்றில் கடவுட்* *பிரகாசம் எப்படி விளங்குகின்றது* *என்பது பற்றி தனக்குள் கேள்விகளை எழுப்பி, அதனால் உண்டாகும் பல்வேறு கேள்வியாலும் பதில்களாலும் பல மறைப்புகளை நமக்குள் விலக்கிக்கொள்ளலாம்.* 

*இந்திரிய ஒழுக்கம்,

கரண ஒழுக்கம்,

ஜீவ ஒழுக்கம்,

ஆன்ம ஒழுக்கம் என்பது என்ன* ?

 *இவற்றில் கூறப்பட்ட கட்டுப்பாடுகள் என்னென்ன என்று ஆராய்ந்து ,* 

 *முதலில் ஒழுக்கத்தை வகைபடுத்தி அதன்படி வாழும்போது , அவ்வொழுக்கம் ஒத்த இடத்தில் ,* 

*நமது அறிவு தானே வந்து கூடி அடுத்தடுத்த நிலைக்கு தேவையானவற்றை நமக்கு அறிவுறுத்தும்.* 

 *அதன்படி நாம் ஒவ்வொன்றாய் கடந்து செல்வதுதான் நிலையான ஏற்றத்தைக் கொடுக்கும் .* 

எனவே ,

பெருமான் கூறிய மேல்நிலை அனுபவங்களை அனுபவித்த சுத்தசன்மார்க ஞானிகள் நம்மை சார்ந்து தற்போது இல்லாத காரணத்தினால் ,

துரியம் துரியாதீதம் குருதுரியம் சுத்த சிவதுரியம் இதுபோன்ற அனுபவங்களைப் பற்றி யாரிடமும் விசாரனை செய்யாமல் நாமே  விசாரம் செய்வது உத்தமம்.

 *மரணமிலாப் பெருவாழ்வு என்பது பற்றிய விஷயங்களில் ஆரோக்கியமான விசாரம் யாரிடம் செய்வது ?* 

அவற்றை அடைந்தவர்கள் 

யாரும் நமது கண்ணுற இருந்து அவர்களது தலைமையில் சுத்தசன்மார்க்கம் வழிநடத்தப்பட்டால் இங்கு மாறுபட்ட விவாதம் எழும்பாது ,

ஆனால் அப்படி யாரும் இன்னும் தோன்றவில்லை என்பதாலும் ,

பெருமான் ஒருவரே நம் அனைவருக்கும் தோன்றாத் துணையாக நின்று நம்மை வழிநடத்துகின்றார்கள் என்பதாலும்.

முதலில் நாம் அனைவரும் ,

 *நமக்குள் தயவை வளர்ப்பதற்கு தேவையான சுத்தசன்மார்க்க ஒழுக்கத்தை ,* 

இந்திரிய ஒழுக்கத்தில் இருந்து ஒவ்வொன்றாய் கடைபிடித்து ஒழுகினால் ,

 *அவ்வொழுக்கத்தின் வாயிலாக எல்லா நிலைகளும் கைகூடும்* என்பதை உணர்ந்து ,

*நம்முள் அன்பை தயவை கருணையைப் பெருக்குவோம் .* 

பெருமான் கொடுத்துள்ள திருவருட்பா பாடல்களையும் கருத்துகளையும் உள்ளதை உள்ளபடி படித்து பதிவுசெய்வோம் .

அருட்பாவில் எதுபற்றி கூறினாலும்.அருட்பெருஞ்ஜோதி ஆண்டவர் விருப்படி வள்ளல்பெருமான் கூறியுள்ளார்கள் என்பதை நமது அகங்காரம் வெளிப்படா வண்ணம் தயவுடன் அருட்பெருஞ்ஜோதி ஆண்டவர்  பெயரை முன்வைத்து எழுதி பேசி பழகுவோம் 👏

 இக் கருத்தின் உண்மை அறிந்து

எல்லாரும் எல்லா நிலைகளும் அடையவேண்டும் என்ற பொது நோக்கத்தோடு பதிவு செய்துள்ளதாகும்.

இப் பிறவியை முடித்துவைக்கும் அருட்பெருஞ்ஜோதிஆண்டவரின் கட்டளைப்படி.சோதனைகளைத் தவிர்த்து சாதனையில் ஈடுபடுவோம். வெற்றி பெறுவோம்.

*ஆகவே அருமை சகோதர சகோதரிகளே முதலில் நாம் சன்மார்க்க ஒழுக்கத்தின்படி வாழ முற்படுவோம் ,* 

*ஒழுக்கத்தின் வாயிலாகவே எல்லாவற்றையும் பெற்றுக்கொள்ளலாம்.* 

*ஒழுக்கம் சார்ந்து நெறியில் பயணித்தால் மட்டுமே அந்நெறிக்குரிய நிலையை அடைய முடியும் என்று கூறி நிறைவு செய்கிறோம்.

அன்புடன் ஆன்மநேயன் ஈரோடு கதிர்வேல்

9865939896.